Շվեյցարացի գիտնականները շարունակում են ուշադիր հետևել Ալպերում տեղի ունեցող սառցադաշտային փոփոխություններին։ Վերջին տարիներին սառցադաշտերի հալման տեմպը կտրուկ աճել է, ինչը գիտնականների մտահոգության հիմնական առարկան է դարձել։ Հատկապես տագնապալի է Ռոնե սառցադաշտի վիճակը, որն ապահովում է ջրային հոսք դեպի Ռոնե գետ, որը կենսական աղբյուր է Շվեյցարիայի և Ֆրանսիայի համար։
Շվեյցարիան համարվում է մայրցամաքային Եվրոպայի սառցադաշտային կենտրոնը՝ շուրջ 1400 սառցադաշտերով։ Սակայն վերջին երկու տասնամյակում երկիրը կորցրել է մինչև 1000 փոքր սառցադաշտ, և ներկայումս խոշոր սառցե զանգվածներն էլ են հայտնվել վտանգի առաջ։
Բացի բնական էկոհամակարգերին սպառնացող հետևանքներից, սառցադաշտերի հալումը ուղղակի ազդեցություն ունի նաև Եվրոպայի խմելու ջրի պաշարների, գյուղատնտեսության և հիդրոէներգիայի վրա։ Շվեյցարիայում հէկերը կազմում են էներգիայի հիմնական աղբյուրը, իսկ սառցադաշտերի հալոցքային ջրերն ունեն մեծ դեր այդ համակարգում։
Radar Armenia-ն Շվեյցարիայի սառցադաշտից լուսանկարներ է ներկայացնում։
