«АвтоВАЗ»- ը սկսել է Lada Niva Sport սպորտային ամենագնացի վաճառքը․ գինը սկսվում է 1,7 մլն ռուբլուց. հայտնել է ավտոարտադրող ընկերությունը:
«Վաճառքը կմեկնարկի վաղը՝ ապրիլի 5-ին, լեգենդար ամենագնացի ծննդյան օրը», - ասվում է հաղորդագրության մեջ։
Առաջին փուլում ամենագնացը հնարավոր կլինի ձեռք բերել Ռուսաստանի մի շարք շրջաններում․ ավելի ուշ մեքենան կհայտնվի Ռուսաստանում Lada-ի բոլոր պաշտոնական դիլերներում: Համեմատած Niva Legend-ի հետ, նրա սպորտային տարբերակը ստացել է դիզայնի մոտ 140 փոփոխություն: Մոդելի վրա տեղադրվել է 16 փականային 1,6 լիտրանոց շարժիչ՝ 122 ձիաուժ հզորությամբ։ Niva Sport-ը կարող է 100 կմ/ժ արագություն զարգացնել 11,8 վայրկյանում, առավելագույն արագությունը հասնում է 162 կմ/ժ-ի:
Մոդելի թափքն ամրացված է, տեղադրված է ավելի արդյունավետ արգելակման համակարգ։ Մեքենայի սրահը զարդարված է սև և կարմիր գույներով՝ նստատեղերի վրա Lada Sport լոգոտիպերով։
