Կրեմլում ցուցադրվել են Ռուսաստանում պալատական հեղաշրջումների դարաշրջանի մասին հազվագյուտ ցուցանմուշներ։
«Պետրոս Առաջինի ժառանգությունը և պալատական հեղաշրջումները Ռուսական կայսրությունում» խորագրով ցուցահանդեսը ներկայացնում է ավելի քան 250 եզակի ցուցանմուշ և հազվագուտ արխիվային փաստաթղթեր։ Այս ցուցադրությունը հնարավորություն է տալիս մասնակիցներին՝ տեղեկանալ Պետրոս Առաջինի տիրապետության շրջանի մասին, պալատական հեղաշրջումներին։
Պետրոս I-ի մահից հետո, առանց գահի ժառանգի, Ռուսաստանում սկսվեց իշխանության համար պայքար, որը հանգեցրեց պալատական հեղաշրջումների դարաշրջանի։ Նա չհասցրեց նշանակել իր իրավահաջորդին, և երկիրը երկար ժամանակ մնաց քաղաքական անկայունության մեջ։
Ցուցանմուշներից մեկը գերմանացի նկարիչ Յոհան Տաննաուերի «Պետրոս I-ը մահվան անկողնում» կտավն է։
Կայսրուհի Աննա Իոաննովնայի թագը զարդարված է երկուսուկես հազար ադամանդներով և 100 գրամ կշռող հսկայական տուրմալինով։ Նրա վերեւում ադամանդներից պատրաստված խաչ է։ Այս գլուխգործոցը պատրաստվել է պալատական ոսկերչական արհեստանոցում
Ռուսական կայսրության բարձրագույն պարգևներից մեկը՝ Սուրբ Ալեքսանդր Նևսկու շքանշանը, սահմանվել է Եկատերինա I-ի կողմից:
1801 թվականի պալատական հեղաշրջումը ավարտվեց Պավել I-ի սպանությամբ Միխայլովսկու պալատի իր ննջարանում
