Radar Զրույց
«Մենք միայնակ չենք կարող լուծել Արցախի խնդիրը». Հովիկ Աղազարյան (ՏԵՍԱՆՅՈՒԹ)
Radar Armenia-ի տաղավարում «Radar Զրույց» հաղորդաշարի հյուրն է ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանը։ Նա անդրադարձել է Հայաստանի ներքաղաքական իրավիճակին, խոսել Արցախի հարցի լուծման ուղղիների մասին։ Պատգամավորի կարծիքով՝ Հայաստանը միայնակ չի կարող լուծել Արցախի հարցը։
- Լաչինի միջանցքի հարցի լուծման բանալին Հայաստանի, Ադրբեջանի և ՌԴ-ի՞, թե՞ Արևմուտքի ձեռքում է։
- Այստեղ ամենամեծ դերակատարությունը պետք է ունենա Ռուսաստանը։ Եվ այնպես չէ, որ նրանք ոչինչ չեն անում, իրենց համար էլ հեշտ չէ։ Պետք չէ միանշանակորեն մեղադրել ռուս խաղաղապահներին, բայց 70%-ը Ռուսաստանի, 30-ը՝ մեր և միջազգային հանրության ձեռքում է։
- Ի՞նչ ենք ակնկալում միջազգային հանրությունից։
- Միջազգային հանրությունը պետք է սանկցիաներ կիրառի Ադրբեջանի դեմ։
- Իրատեսական համարում ե՞ք, որ կկիրառի։
- Միջազգային հանրությունը չի կարող աչք փակել։ Բա «քաղաքակրթություն» գեղեցիկ բառը բոլորիս է վերաբերում։ Թող լուծում գտնեն։ Ալիևն անընդհատ ասում էր՝ Արցախի հարցը լուծված է։ Բա ո՞ւր է, որ լուծված է, ինչու՞ ես շրջափակել։ Ինչպես ասացի, սա միայն մեր հարցը չի։
Մանրամասները՝ տեսանյութում։
