«Քաղաքացիական պայմանագիր» խմբակցությունն այսօր հանդիպել է իշխանության նախագահի թեկնածու, ԲՏԱ նախարար Վահագն Խաչատրյանի հետ։
Լրագրողների հետ ճեպազրույցում ՀՀ ԱԺ նախագահ Ալեն Սիմոնյանը հայտարարել է, թե Խաչատրյանը նախագահի իրենց թեկնածուն է, դիտարկվել է ևս 5-6 հոգու թեկնածություն։
Սիմոնյանը հերքել է լուրերը, թե Վահագն Խաչատրյանին ԱԺ ՔՊ խմբակցության պատգամավոր Խաչատուր Սուքիասյանն է առաջադրել. «Պարոն Սուքիասյանը վարչության քննարկումների չի մասնակցել և չի մասնակցում, քանի որ վարչության անդամ չի հանդիսանում։ Այլ թեկնածուների անուններ ևս քննարկվել են, երկար է եղել, տարբեր փաստարկներ են բերվել, որից հետո որոշում է կայացվել Վահագն Խաչատրյանին առաջադրելու»։
Նրա խոսքով, Խաչատրյանը շատ լավ թեկնածու է. «Իր անցած ճանապարհով, պարկեշտությամբ շատ համապատասխանում է և բավականին լավ կիրականացնի այն պարտականությունները, որ նախատեսվում են»։
