Քննարկվել են թափառող կենդանիների խնդիրների լուծման տարբերակներ

Շրջակա միջավայրի նախարարությունում տեղի է ունեցել քննարկում հասարակական կազմակերպությունների ներգրավմամբ թափառող կենդանիների խնդրի լուծման այլընտրանքային և առավել իրատեսական տարբերակ ձևավորելու վերաբերյալ։

Նախարարի տեղակալ Աննա Մազմանյանի գլխավորած քննարկմանը մասնակցել են Շրջակա միջավայրի նախարարության մասնագիտական ստորաբաժանումների, Տարածքային կառավարման և ենթակառուցվածքների նախարարության, «Թափառող կենդանիների վնասազերծման կենտրոն» ՀՈԱԿ-ի, Բնության համաշխարհային հիմնադրամի հայաստանյան մասնաճյուղի ներկայացուցիչներ, իրավապաշտպաններ։

Պետական և մասնավոր հատվածի ներկայացուցիչները քննարկել են մասնավորապես թափառող կենդանիների տեղաբաշխումը բնակավայրերում և ոհմակների ձևավորման պատճառներն ու փորձել են բնակավայրերի հարակից տարածքներում և բնական էկոհամակարգերում թափառող կենդանիների թվաքանակի կարգավորման խնդիրների լուծման նպատակով տեղական ու օտարերկրյա դոնոր կազմակերպությունների հետ ֆինանսական միջոցներ հայթայթելու եղանակներ գտնել։

Նախարարի տեղակալը Շրջակա միջավայրի նախարարության անունից պատրաստակամություն է հայտնել ներգրավվել խնդրի կարգավորման գործընթացներում՝ անհրաժեշտության դեպքում օժանդակելով մասնագիտական գիտելիքներով և միջազգային կազմակերպությունների հետ աշխատանքների համակարգմամբ։

Խնդրո առարկա դաշտում գործունեություն ծավալող կազմակերպությունների, առկա պատկերի, համայնքների կողմից խնդրի կարգավորման հատվածային լուծումների տարբերակով կարևորվել է համեմատաբար խոշոր մի քանի համայնքներում թափառող կենդանիների վնասազերծման կենտրոնների ստեղծման և վերջիններիս մեթոդական աջակցությունը՝ Երևանի քաղաքապետարանի «Թափառող կենդանիների վնասազերծման կենտրոն» ՀՈԱԿ-ի միջոցով իրականացնելու հարցը։

Նմանատիպ նյութեր

Ազատությունից զրկված անձանց հետ տեսակցությունների արգելքը վերացվեց

20 Հունվարի 2022, 14:28

Արդարադատության նախարարությունը կոչ է անում տեսակցությունների ընթացքում զգոն լինել և խստորենս պահպանել սանիտարահամաճարակային նորմերը:

Ստեղծվում է Տեղեկատվական համակարգերի կառավարման խորհուրդ

21 Հունվարի 2022, 14:57

Կառավարման խորհրդի նախագահն ի պաշտոնե Հայաստանի թվայնացման բարեփոխումների ոլորտը համակարգող փոխվարչապետն է:

Տիգրան Ավինյանն ընտրվել է ՀԱՊՀ հոգաբարձուների խորհրդի նախագահ

21 Հունվարի 2022, 15:19

Ելույթներից հետո տեղի ունեցավ քվեարկություն և Հոգաբարձուների խորհրդի նախագահ միաձայն ընտրվեց «Հայաստանի պետական հետաքրքրությունների ֆոնդ» ՓԲԸ-ի տնօրենների խորհրդի նախագահ Տիգրան Ավինյանը։