«Ժողովուրդ» օրաթերթ-ը գրում է. «Այսօր արտգործնախարար Արարատ Միրզոյանը կգնա խորհրդարան: ԱԺ հանձնաժողովների համատեղ նիստում նա կներկայացնի ԱԳՆ-ի՝ 2025 թվականի համար նախատեսված բյուջեի նախագիծը:
Արարատ Միրզոյանը խոսելու է նաև նախարարության կատարած աշխատանքի և Ադրբեջանի հետ բանակցությունների մասին:
Խորհրդարան կգնան նաև Էկոնոմիկայի նախարար Գևորգ Պապոյանը և Ֆինանսների նախարար Վահե Հովհաննիսյանը՝ 2025 թվականի պետբյուջեի նախագծի քննարկմանը մասնակցելու:
Բյուջեի նախագծի քննարկումը կտևի մինչև նոյեմբերի 5-ը, դրանից հետո կներկայացվեն գրավոր առաջարկներ, իսկ արդեն նոյեմբերի 12-ից բյուջեի նախագիծը կքննարկվի նաև ԱԺ լիագումար նիստերի ժամանակ: Նշենք, որ սեպտեմբերին Կառավարությունում խորհրդակցության ժամանակ արդեն իսկ ներկայացվել է 2025 թվականի պետական բյուջեի նախագիծը»:
