Մամուլ
5մլն դրամ հաշվի մնացորդ, 2 բնակարան. ի՞նչ է հայտարարագրել ԿԳՄՍՆ փոխնախարարը. «Ժողովուրդ»
«Ժողովուրդ» օրաթերթը գրում է․ «ՀՀ կրթության, գիտության, մշակույթի և սպորտի փոխնախարար Արաքսիա Սվաջյանը պաշտոնի նշանակվել է 2023 թվականի հունվարի 3-ին։
Արաքսիա Սվաջյանը մինչեւ 2018 թվականը եղել է Խ. Աբովյանի անվան հայկական մանկավարժական համալսարանում գործող ՀՀ ԲՈՀ-ի «Մանկավարժություն» 020 մասնագիտական խորհրդի գիտական քարտուղար, մի շարք ծրագրերում ներառված է եղել որպես փորձագետ, ապա Հանրապետական մանկավարժահոգեբանական կենտրոնի տնօրեն, որից հետո դարձել է փոխնախարար։
Փոխնախարարը հայտարարագրել է 2 բնակարան բազմաբնակարան շենքում, որոնք ձեռք են բերվել 2020 և 2016 թվականներին։ 2 բնակարաններն էլ գտնվում են Երևան քաղաքում։
2022 թվականին փոխնախարար Սվաջյանը ձեռք է բերել 2014 թվականի արտադրության Mazda մակնիշի մեքենա։
Արաքսիա Սվաջյանի բանկային հաշիվների մնացորդները կազմել են գրեթե 5 մլն դրամ, հաշվետու տարվա եկամուտները կազմել են 16 մլն 525 հազար դրամ։
Հաշվետու ժամանակահատվածի եկամուտներից 14 մլն 450 հազար դրամը աշխատանքի վարձատրություն է ՀՀ ԿԳՄՍ նախարարությունից, իսկ եկամուտների մյուս մասը` գրեթե 2 մլն դրամը, քաղաքացիական այլ պայմանագրերից ստացված եկամուտ է` Խաչատուր Աբովյանի անվան հայկական պետական մանկավարժական համալսարանից, «Ի.ԷՍ.ԱՅ. ԽՈՐՀՐԴԱՏՎԱԿԱՆ ԽՈՒՄԲ»-ից, Հանրապետական մանկավարժահոգեբանական կենտրոնից»:
