Մամուլ
Ո՞րն էր Անահիտ Ավանեսյանի նկատմամբ ԱԺ–ում նման վերաբերմունքի պատճառը․ «Հրապարակ»
31 Մայիսի, 9:10
«Հրապարակ» օրաթերթը գրում է․ «ՔՊ-ում չեն թաքցնում սառը վերաբերմունքը առողջապահության նախարար Անահիտ Ավանեսյանի նկատմամբ, ում պաշտոնավարումը, ըստ լուրերի, մազից է կախված, և, ըստ այդ լուրերի, Նիկոլ Փաշինյանը մի հարմար պահի մտադիր է հեռացնել նրան: Երեկ խորհրդարանում բյուջեի անցած տարվա կատարողականը ներկայացնելու եկած նախարար Անահիտ Ավանեսյանի հաշվետվությունը լսելու էին եկել մեկ ձեռքի վրա հաշված ՔՊ-ականներ:
Փոխարենը իրենց սրտի ՄԻՊ Անահիտ Մանասյանին հատուկ հանդիսավորությամբ մեկ տասնյակից ավելի ՔՊ-ականներ ուղեկցեցին դահլիճ, և քննարկումն էլ անցավ լեփ-լեցուն դահլիճում։ Թեև չի բացառվում, որ այդ ներկայացումը հատուկ վերևներից էր կազմակերպվել` «սրբազան շարժման» քննադատության և ոստիկանների իրավունքների պաշտպանության նպատակով»:
