Կիրակի, 25 Փետրվարի 2024

USD401.97

EUR431.11

RUB4.18

Երևան 2 ℃

Рус Eng

ԿԳՄՍՆ–ին առայժմ 2 բուհ է պատասխանել․ «Ժողովուրդ»

Մամուլ

7 Փետրվարի, 9:21

«Ժողովուրդ» օրաթերթը գրում է․ «Դեռ 2019 թվականից էր բուհերի խոշորացման մասին շրջանառվող հայեցակարգի նախագիծը քննարկվում։ Կրթության, գիտության, մշակույթի և սպորտի նախարարությունը համալսարանների միավորման և Ակադեմիական քաղաքի կառուցման համար դեռ նախորդ տարի՝ հուլիս ամսից ՀՀ պետական բուհեր և գիտահետազոտական կազմակերպություններ էր ուղարկել հայեցակարգ։

Բուհերին հանձնարարված է եղել նամակին պատասխանել մինչև 2024 թվականի փետրվարի 15-ը։ Բանն այն է, որ մինչ այսօր ՀՀ պետական բուհերից և գիտահետազոտական կազմակերպություններից նամակին արձագանքել են ընդամենը 2 բուհ՝ Հայաստանի պետական տնտեսագիտական համալսարանը և ՀՀ Խաչատուր Աբովյանի անվան մանկավարժական համալսարանը։ «Ժողովուրդ» օրաթերթի հետ զրույցում Բարձրագույն կրթության և գիտության կոմիտեի ծրագրերի իրականացման վարչության պետ Լուսինե Գրիգորյանը նշեց, որ նշված բուհերն են պատասխանատու եղել պատասխանել։ «Որոշակի մոտեցում այս բուհերը ներկայացրել են, դրական, թե ոչ, չեմ կարող ասել։ Տնտեսագիտական համալսարանն իր հիմնավորումներն է բերել։ Այս բուհերի պատասխանը ցույց է տալիս նրանց պատասխանատվության մասին»:

Հավելենք նաև, որ նշված հայեցակարգն իրենից ենթադրում է բուհերի խոշորացում և գիտահետազոտական կազմակերպությունների միավորում։ Միավորումն իրականացվել է մի քանի ուղղությամբ՝ դասական, բժշկական, տեխնոլոգիական, կրթական, արվեստների և սպայական։ Հայեցակարգի վերաբերյալ 8 ամսվա ընթացքում արձագանք է ներկայացրել 2 բուհ։ Նույնիսկ բուհերի կողմից պատասխան չուղարկելն է պատասխան, քանի որ բազմիցս ենք նկատում, թե համալսարաններում և՛ ուսանողների, և՛ դասախոսների կողմից ինչպիսի կոպիտ արձագանք է հնչում բուհերի միացման վերաբերյալ»։

 

Հետևեք մեզ Telegram-ում
Արման Գալոյան

Պտտվիր, պտտվիր կարուսել, ես քո երգը վաղուց եմ լսել

Radar Armenia

Տեղի ունեցածը ոչ սովորական իշխանափոխություն էր, ոչ էլ պարզունակ պալատական հեղաշրջում