«Գագիկ Ծառուկյանը Կանյաչնիում մեծ հավաք է անցկացնելու»․ «Հրապարակ»
Մամուլ
19 Սեպտեմբերի, 9:15
«Հրապարակ» թերթը գրում է․ «Գագիկ Ծառուկյանը նախատեսել է ԲՀԿ-ականների մեծ հավաք անցկացնել, որին մասնակցելու են նախկին գումարման բոլոր ԲՀԿ-ական պատգամավորները՝ չնչին բացառություններով: ԲՀԿ-ն, որը տևական ժամանակ քաղաքական պասիվություն է դրսևորում, փաստորեն, որոշել է ակտիվանալ, քանի որ Ծառուկյանի քաղաքական թիմի և խորհրդատուների հաշվարկով` շուտով ներքաղաքական զարգացումներ են սկսվելու, դրանցից դուրս մնալ չի կարելի։
Հավաքը կկայանա ԲՀԿ կենտրոնական գրասենյակում՝ Կանյաչնիում, սեպտեմբերի 20-ին։ Մեր աղբյուրներից տեղեկացանք, որ Իվետա Տոնոյանը հրավերներ է ուղարկել մոտ 50 անձի, այդ թվում՝ գործող իշխանություններին կոշտ քննադատող Գևորգ Պետրոսյանին, ով հեռացել է ԲՀԿ շարքերից, իսկ Նաիրա Զոհրաբյանը հրավեր չի ստացել։ Հավաքի նպատակը քաղաքական խնդիրներ քննարկելն է: Հավանաբար, հայտարարությամբ հանդես կգան։ ԲՀԿ-ական նախկին պատգամավոր Շաքե Իսայանը հավաք հրավիրելու տեղեկությունը ո՛չ հաստատեց, ո՛չ հերքեց։ «Մենք անպայման հանդես կգանք հայտարարությամբ՝ առաջիկայում սպասվող իրադարձությունների մասին»,- ասաց նա։
Հետևեք մեզ Telegram-ում
