110 մլն դրամ՝ հսկողության սարքեր գնելու համար․ «Հրապարակ»
Մամուլ
1 Հունիսի, 9:19
«Հրապարակ» թերթը գրում է. «Արդարադատության նախարարությունը 110 մլն դրամ արժողությամբ համակարգչային հսկողության սարքեր է ձեռք բերել։ Գնումը կատարվում է ENIGMA information protection Systems ընկերությունից։ Արդարադատության նախարարությունից փորձեցինք ճշտել, թե ինչ համակարգ է, ինչի համար։
«Պրոբացիայի ծառայության կողմից տնային կալանք և վարչական հսկողություն իրականացնելու համար էլեկտրոնային հսկողության սարքավորումներն են: Լեհական կազմակերպությունից նոր խմբաքանակ է ձեռք բերվել՝ պատշաճ և ժամանակին վերահսկողություն իրականացնելու համար»,- պատասխանեցին մեզ։
Փաստորեն, պետությունը շարունակում է տնային կալանքի տեխնիկական միջոցների գնման համար գումարներ ծախսել, սակայն կալանքը, որն անձը կրում է քրեակատարողական հիմնարկներում, մնում է այն հիմնական խափանման միջոցը, որը կիրառվում է մեղադրյալների նկատմամբ»:
Հետևեք մեզ Telegram-ում
