Քաղաքական
Հույս ունենք, որ բոլորն այն կանվանեն TRIPP, քանի որ դա է իրականությունը. ԱՄՆ դեսպան
Հայաստանում ԱՄՆ դեսպան Քրիստինա Քվինը Civilnet-ին ծավալուն հարցազրույց է տվել, որտեղ խոսել է նաև TRIIPP-ի անվան շուրջ ծագող այլ մեկնաբնություններից։
«Մենք նախագիծն անվանում ենք «Միջազգային խաղաղության և բարգավաճման Թրամփի ուղի» կամ TRIPP և խրախուսում ենք մյուս երկրներին՝ նույնպես օգտագործել այն։
Սա է նախագծի անունը։ Դրա կիրառումը օգնում է խուսափել շփոթից։ Հույս ունենք, որ բոլորն այն կանվանեն TRIPP, քանի որ դա է իրականությունը»,- ասել է ԱՄՆ դեսպանը։
Ըստ դեսպանի՝ այս նախագծում այժմ ուշադրությունը կենտրոնացած է երկաթուղային կապի վրա, և նպատակն այն է, որ TRIPP-ն ի վերջո լինի բազմամոդալ․
«Սա նշանակում է, որ այն կարող է ունենալ այլ տարրեր, բայց երկաթուղին է տարրը, որի վրա հիմա կենտրոնանում ենք։ Կան նաև այլ գաղափարներ. օրինակ, գազատարի, օպտիկամանրաթելային մալուխի, էլեկտրաէներգիայի փոխանցման համար։ Այսինքն, բազմամոդալ փոխադրումների այլ գաղափարներ»,- ընդգծել է Քվինը։
