Երևանի պետական տիկնիկային թատրոնի գեղարվեստական ղեկավար Ռուբեն Բաբայանը Հայաստանի հանրային հեռուստատեսության եթերում հարցազրույցի ընթացքում անդրադառնալով Միքայել արքեպիսկոպոս Աջապահյանին՝ նշել էր, որ առաջարկում է ազատազրկման փոխարեն ճիպոտահարել նրան։
Radar Armenia-ն հետաքրքրվեց՝ ինչո՞ւ է նման հայտարարություն արել, առավել ևս՝ որքանո՞վ է այն իրավաչափ։ Ի պատասխան Ռուբեն Բաբայանը նշեց. «Միանշանակ հումոր է, քանի որ իմ ամբողջ կյանքում՝ և՛ աշխատանքում, և՛ շրջապատում, 45 տարի աշխատում են թատրոնում, 30 տարի ինստիտուտում, կյանքում երբևէ ո՛չ բռնության կոչ եմ արել, ո՛չ էլ վիրավորել եմ»,-ընդգծեց նա և հավելեց՝ թե դա ինչպես հասկացվեց, դա այլ խնդիր է։
«Գուցե անհաջող էր կամ անհաջող։ Նրանք, ովքեր ինձ լավ ճանաչում են, գիտեմ, որ դա բացարձակապես իմ ոլորտը չէ բռնության կոչ անելը»,-շեշտեց Ռուբեն Բաբայանը։
