Նախագահ Վահագն Խաչատուրյանի հրամանագրերով դեսպաններ են նշանակվել։
Մասնավորապես, Բուլղարիայում ՀՀ արտակարգ և լիազոր դեսպան Ծովինար Համբարձումյանը, համատեղության կարգով, նշանակվել է Հյուսիսային Մակեդոնիայում ՀՀ արտակարգ և լիազոր դեսպան (նստավայրը` Սոֆիա):
Եգիպտոսում ՀՀ դեսպան Արմեն Սարգսյանը, համատեղության կարգով, նշանակվել է Ալժիրում ՀՀ արտակարգ և լիազոր դեսպան (նստավայրը` Կահիրե): Սարգսյանը, համատեղության կարգով, դեսպան է նշանակվել նաև Էրիթրեայի Պետությունում։
Իսկ Սերոբ Բեջանյանը նշանակվել է Բրունեյ Դարուսսալամում Հայաստանի Հանրապետության արտակարգ և լիազոր դեսպան (նստավայրը՝ Ջակարտա):
