Քաղաքական
Քի Ուեսթը բանակցային փաստաթուղթ չի եղել, այլ՝ դավադրություն. վարչապետ (ՏԵՍԱՆՅՈՒԹ)
Վարչապետ Նիկոլ Փաշինյանը «Հայաստան» խմբակցության պատգամավոր Ագնեսա Խամոյանի հարցին ի պատասխան անդրադարձել է, թե ինչու չեն հրապարակել ԼՂ հակամարտության կարգավորման Քի Ուեսթի տարբերակը․
«ՀՀ կառավարության տիրապետության ներքո Քի Ուեսթի փաստաթուղթ ուղղակի չկա։ Ես երկար եմ մտածել, թե ինչու չկա, և պատասխանը մեկն է՝ դա բանակցային լիարժեք փաստաթուղթ չի եղել, եղել է դավադրություն, դա է պատճառը, որ էդ համատեքստում տեղի է ունեցել «հոկտեմբերի 27» ու դրան նախորդած ու հաջորդած իրադարձություններ»,- ասել է նա։
Նա հարցրել է, թե ինչու են քամահրանքով վերաբերում Լևոն Տեր-Պետրոսյանի շտաբի հրապարակած փաստաթղթին. «Դուք չէի՞ք, որ 2020թ․ հետո հավաքվել էիք ու որոշում էիք ազգի փրկության միասնական պլան։ Ձեր գործընկերոջ մասին է խոսքը։ Գնացեք իրենից պարզաբանում ուզեք, թե այս ինչ թուղթ է, որտեղից այն»,- ասել է նա։
Ըստ վարչապետի՝ դա ճշգրիտ դավադրության տեքստն է։ Նա հարցրել է, թե ինչու են հրաժարվել Քի Ուեսթի տարբերակից, եթե դա լավ տարբերակ էր, ու ինչու են Մադրիդյան սկզբունքներին համաձայնվել։
