Երևան
Առաջարկվում է ստեղծել համայնքային հիմնարկ՝ երթևեկության կառավարման կենտրոն. Գրիգորյան (ՏԵՍԱՆՅՈՒԹ)
Երևանում առաջարկվում է երթևեկության կառավարման համար համայնքային հիմնարկ ստեղծել։
Փոխքաղաքապետ Սուրեն Գրիգորյանը ավագանու նիստում ներկայացրել է որոշման նախագիծը։
«Երևան քաղաքում մարդատար ավտոմեքենաների շարունակական աճի հանգամանքներով պայմանավորված երթևեկությունը լուրջ մարտահրավեր է քաղաքային իշխանության համար, և անհրաժեշտ է պատշաճ գործիքակազմ՝ մեր ժամանակաշրջանում թվային և տեխնոլոգիաների ոլորտում գտնվող գործիքները»,- ասել է Սուրեն Գրիգորյանը՝ հավելելով, որ առաջարկվում է ստեղծել համապատասխան ստորաբաժանում համայնքային հիմնարկի տեսքով՝ Երևանի երթևեկության կառավարման կենտրոն։
«2026թ․ համար նախանշել ենք երկու հիմնական ծրագիր՝ հանրային տրանսպորտի դիսպետչերիզացիայի համակարգ, երկրորդը՝ ընդհանուր երթևեկության կառավարումը»,- ընդգծել է նա։
Նա նաև տեղեկացրել է, որ ավագանու քննարկմանը կներկայացվի «Երևանտրանս» ՓԲԸ-ի լուծարման մասին նախագիծը։
