ՀՀ վարչապետ Նիկոլ Փաշինյանը կարևորել է նախկին երեք նախագահների հետ բանավեճի անցկացումը։
«Բանավեճի անհրաժեշտությունն ու պահանջարկը կա, և միայն այդ ժամանակ է ավարտվելու, երբ դեմ դիմաց գան, խոսեն, ու հանրությունն ի վերջո բոլոր հարցերի պատասխանն այդ ֆորմատով ստանա»,- ասել է նա։
Անդրադառնալով նախընտրական շրջանում բանավեճերին, նա նշել է, որ կայացած ժողովրդավարության համակարգում նման բանավեճերից հրաժարվելը երաշխիք է ընտրական խոշոր անհաջողության։
Վարչապետն անդրադարձել է նաև Ռոբերտ Քոչարյանի ասուլիսին. «Ձեր նշած մարդն էլ ասում էր՝ «Ձեզ թվում է ինձ հաճելի է, գնամ ընտրությունների ժամանակ ժողովրդի հետ շփվեմ»։ Ասում են՝ «Չտեսար պատից կախ, տեսար ճակատից կախ»։ Բոթասներդ հիշի գոնե»։
