Քաղաքական
Կլինի՞՝ իմ անձնական հարցը մնա. Աբրահամյանը՝ Սամվել Կարապետյանին հրապարակավ չաջակցելու մասին
30 Հոկտեմբերի, 16:04
ԱԺ նախկին նախագահ, նախկին վարչապետ Հովիկ Աբրահամյանն անդրադարձել է ռուսաստանահայ գործարար Սամվել Կարապետյանի կալանավորմանը:
«Սամվել Կարապետյանի մասնակցությունը մեր երկրի կայացման գործում, ես դրա մասին խոսել եմ բազմիցս, անգնահատելի է: Բազմաթիվ հարցերով, մեր երկրի անկախության օրից սկսած, ինքն իր նպաստը բերել է մեր երկրի զարգացման գործում»,- ասել է նա:
Իսկ թե ինչու ինքը չի գնում դատարան, Աբրահամյանն ասել է. «Իսկ ինչ վերաբերում է գնալ դատարան, օգնել, դա կլինի՞, որ իմ անձնական հարցը մնա»:
Հարցին՝ վախենո՞ւմ եք, նա ասել է, որ վախենում է լրագրողներից, ուրիշ ոչ մեկից չի վախենում:
