Քաղաքական
Ինչքան ուզում է՝ Ալիևի խոսնակի կամ խոսափողի դեր տանեք, պահանջները չեն լինելու. Թորոսյանը՝ Կյուրեղյանին
«Տիկին Կյուրեղյան, ինչքան էլ ուզեք, որ Ալիևի պահանջները կատարվեն, չեն կատարվելու, ինչքան ուզում է՝ բարձրաձայնեք նրա տարբեր պահանջների մասին։ Ալիևի խոսնակի կամ խոսափողի դեր ինչքան ուզում է տանեք, մեկ է՝ տեղի չեն ունենալու»,-ասել է սոցհարցերի նախարար Արսեն Թորոսյանը՝ անդրադառնալով ԱԺ «Հայաստան» խմբակցության պատգամավոր Արմենուհի Կյուրեղյանի հարցադրումներին կապված Ալիևի պահանջների հետ։
Նրա խոսքով՝ եթե մամուլի մոնիտորինգ անեն, կտեսնեն, թե Ալիևի պահանջների մասին Հայաստանում ով է խոսում. «Ձեր խմբակցությունից զատ, երևի միայն ձեզ հարող ուժերը»,-ընդգծել է նա։
Անդրադառնալով Արմենուհի Կյուրեղյանի՝ ժողովրդագրության հիմնախնդիրներին վերաբերող հարցերին, նա ընդգծել է, որ մեր կարևոր, եթե ոչ՝ ամենակարևոր ուղղություններից մեկը պետք է լինի, ոչ միայն սոցհարցերի նախարարության, այլև՝ կառավարության և պետության։
