«Եթե մենք հանրային բարիքը և ծախսերի արդյունավետությունը ստուգելու հարց ունենք, պիտի այստեղ բարձրացնենք։ Եկեք ստուգենք ընդդիմադիր պատգամավորների արդյունավետությունը»,-ասել է ԱԺ «Քաղաքացիական պայմանագիր» խմբակցության պատգամավոր Ծովինար Վարդանյանը՝ արձագանքելով Արծվիկ Մինասյանի՝ հանրային միջոցների արդյունավետ ծախսման մասին հայտարարություններին։
Ծովինար Վարդանյանն ընդգծել է, որ ամեն մարդ, երբ հանրային բարիքների և ծախսերի մասին հարցեր է տալիս, առաջնային պետք է նայի իր գնահատականին, ապա հարցեր տա. «Ընդդիմադիր պատգամավորները դատարկ դահլիճում գալիս գրանցվում են, նիստերին չեն մասնակցում և աշխատավարձ են ստանում»,-նշել է նա։