Քաղաքական
Ալիևն ու Էրդողանը հրավիրվել են՝ մասնակցելու Երևանում կայանալիք գագաթնաժողովին (ՏԵՍԱՆՅՈՒԹ)
Այսօր, 17:22
ԱԳ նախարար Արարատ Միրզոյանը հայտարարել է, որ Ադրբեջանի և Թուրքիայի նախագահները հրավիրվել են Երևան՝ 2026թ. Եվրոպական քաղաքական համայնքի 8-րդ գագաթնաժողովին մասնակցելու համար։
«Այո, մենք հրավերներ ենք ներկայացրել։ Փաստաթղթային դեռ չենք ուղարկել, բայց բանավոր ամենաբարձր մակարդակով մասնակցելու հրավիրել ենք»,- ասել է նա՝ հավելելով, որ նրանց մասնակցության մասին որեւէ բան ասել չի կարող։
«Այս ամենը շատ թարմ է, և դեռ առիթ էլ չի եղել դետալներ քննարկելու»,- նշել է նա։
Միրզոյանը նաև շեշտել է, որ Հայաստանը գնում է հաշտեցման ճանապարհով. «Ոչ թե ասում եմ, որ հենց այսօր պատրաստ ենք տեսնել նախագահ Ալիևին Երևանում ու վարչապետ Փաշինյանին Բաքվում, այլ՝ ասում եմ՝ մի օր այս իրավիճակը լինելու է։ Մենք պետք է գնանք այդ ճանապարհով»։
