«Մենք մեծապես հետաքրքրված ենք տնտեսական, շրջակա միջավայրի համագործակցության հնարավորություններով։ Նաև հուսով ենք, որ ԵԱՀԿ հարթակը այս և հաջորդ նախագահությունների ժամանակ կնպաստի հետագա խաղաղության ամրապնդմանը»,- ասել է ԱԳ նախարար Արարատ Միրզոյանը՝ ԵԱՀԿ գործող նախագահ և ԱԳ նախարար Էլինա Վալտոնենի հետ համատեղ ասուլիսի ժամանակ։
Ըստ նախարարի՝ ԵԱՀԿ գործող նախագահի այցը տարածաշրջան տեղի է ունենում միանգամայն նոր հանգամանքներում, տարածաշրջանի համար նշանակալի իրադարձությունների պայմաններում, նկատի ունենալով Հայաստանի և Ադրբեջանի միջև հաստատված խաղաղությունը։
Նախարարն ընդգծել է՝ գաղտնիք չէ, որ ԵԱՀԿ-ն իր գործիքակազմով կոչված է Հարավային Կովկասում խաղաղության հաստատմանը. «Այժմ երբ այդ խաղաղությունը հաստատված է, և մենք ձեռնամուխ ենք եղել ԵԱՀԿ Մինսկի խմբի լուծարմանը, այս իրողությունները նոր են Հայաստան-ԵԱՀԿ համագործակցության տեսանկյունից»,-ասել է նա և հավելել՝ պետք է բացահայտել նոր համագործակցության հորիզոններ։
