Հայաստանիի վարչապետ Նիկոլ Փաշինյանը կմեկնի Նյու Յորք՝ մասնակցելու ՄԱԿ-ի գլխավոր ասամբլեայի 80-րդ նստաշրջանին։ Բացի այդ, վարչապետը Ստրասբուրգում կմասնակցի ԵԽԽՎ աշնանային նստաշրջաններին․ Radar Armenia-ն տեղեկացավ վարչապետի մամուլի քարտուղար Նազելի Բաղդասարյանից։
Հիշեցնենք, որ Հայաստանի արտաքին գործերի նախարար Արարատ Միրզոյանն արդեն գտնվում է Նյու Յորքում՝ մասնակցելու ՄԱԿ գլխավոր ասամբլեայի 80-րդ նստաշրջանին։ Իսկ ԵԽԽՎ աշնանային նստաշրջանը տեղի կունենա սեպտեմբերի 29-ից հոկտեմբերի 3-ը՝ Ստրասբուրգում, որի ընթացքում վարչապետը հանդես կգա ելույթով։
