«Բոլորիս համար պարզ է, որ սա նախընտրական քայլ է։ Օրենքի նախագիծ է դրվել՝ 24 ամիսը փոխել 18 ամսի։ Շատ լավ է, կարելի է մտածել 12 ամիս դարձնելու մասին, բայց հապճեպությունն այն է, որ, ընդհանրապես, երբ որևէ օրենք մշակում են, ուսումնասիրում են, թե այդ օրենքը ինչ կապ ունի մնացած օրենքների հետ, և փոփոխությունների փաթեթով են բերում»,- ճեպազրույցում ասել է ՀՀ ԱԺ «Հայաստան» խմբակցության անդամ Գեղամ Մանուկյանը։
Ըստ նրա՝ զինված ուժերում ծառայում են 1000-ավոր մարդիկ, իսկ այս նախագիծը թեթև է մտածված. «Մտածող մարդը, որն ամբողջական պետք է սցենարը մշակեր, մի կետ պետք է ավելացներ՝ այս օրենքը տարածվում է այսինչ թվականին զորակոչված ու այսօր ծառայող զինվորների վրա»։
