ՀՀ երրորդ նախագահ Սերժ Սարգսյանը հայտարարել է, որ վարչապետին անվստահություն հայտնելու իրենց նախաձեռնությունը, թեև ակտիվ քննարկման առարկա չի դարձել, «բայց դա չի նշանակում, որ այդ օրակարգն այսօր գոյություն չունի, և մենք չենք շարունակելու այդ օրակարգով առաջ շարժվել: Մեր նպատակը դա է, այն մեր ծրագրի բաղկացուցիչ մասն է: Եթե ուրիշներն այլ ծրագիր ունեն, մենք հաճույքով կդիտարկենք դրանք և կցուցաբերենք կառուցողական մոտեցում»:
2026 թվականի խորհրդարանական ընտրություններին մասնակցելու մասին խոսելիս նա նշել է. «Դեռևս այդ հարցի վերաբերյալ որոշում չունենք և դեռ չենք մտածում այդ մասին, քանի որ մեր օրակարգը վարչապետին անվստահություն հայտնելն է: Ցանկացած ընդդիմադիր ուժի հետ համագործակցության եզրեր ենք տեսնում, եթե այդ համագործակցության ձևերն ու մեթոդները մեզ համար ընդունելի են»:
