Ինչպես հաղորդում է Middle East Eye պարբերականը, Նիկոլ Փաշինյանն ու Իլհամ Ալիևը կհանդիպեն հուլիսի վերջին՝ Դուբայում։
Հրապարակման մեջ ասվում է, որ Թուրքիան շահագրգռված է Միջին միջանցքով, որը ուղիղ կկապի երկիրը Կենտրոնական Ասիային։ Այդ հանգույցում Թուրքիան Հայաստանին դիտարկում է որպես տարանցիկ կարևոր երկիր։
Այդ համատեքստում Թուրքիան ներկայումս Ադրբեջանին հորդորում է ստորագրել խաղաղության պայմանագիրը՝ հաշվի առնելով նաև տարածաշրջանային փոխված դրությունը։
«Իրավիճակին ծանոթ երկու աղբյուրներ MEE-ին հայտնել են, որ Դուբայում նախատեսված հանդիպումը դրական նշան է, որը ցույց է տալիս, որ երկու կողմն էլ դեռ պատրաստ են համագործակցության՝ չնայած շարունակվող տարաձայնություններին:
Հաջորդ տարի Փաշինյանին սպասվում են ընտրություններ, և փորձագետներն ասում են, որ քիչ հավանական է, որ նա կկարողանա սահմանադրական հանրաքվե անցկացնել մինչև քվեարկությունը:
Մինչդեռ Թուրքիան հանգիստ կոչ է անում Բաքվին խաղաղության համաձայնագիր ստորագրել՝ ադրբեջանցի պաշտոնյաներին հիշեցնելով տարածաշրջանում փոփոխվող դինամիկայի մասին, ինչպիսին է Իրանի իշխանության թուլացումը»,- ասվում է հրապարակման մեջ։
