«Մեկը կարո՞ղ է բացատրել՝ Վարդան Օսկանյանն ու իր կինն ինչ կապ ունեն, որ Դիլիջանում մանկապարտեզ վերցնեն»,- ասել է վարչապետ Նիկոլ Փաշինյանը՝ հավելելով, որ կառավարության նիստերից մեկում ինքն անդրադարձել էր նախկին պաշտոնյաներից մեկի կողմից մանկապարտեզի տարածք սեփականաշնորհելուն, և դրանից հետո այդ պաշտոնյան, միանգամայն այլ առիթով, քննադատել էր իրեն․
«Նախկին պաշտոնյան, թուր ու թվանքն առած, ընկել, գրառումներ է անում։ Իհարկե, սրա հետ կապված չէ․ հո չի՞ ասելու, որ մանկապարտեզները ձեռիցս առան»։
Փաշինյանը տեղեկացրել է, որ իր հիշատակած նախկին պաշտոնյան ԱԳ նախկին նախարար Վարդան Օսկանյանն է, որի կնոջ հետ էլ կապված է պատմությունը։
Ըստ նրա, նախկին իշխանութունները մեկ խնդիր ունեն․ «Ցույց տալ, որ մենք իրենց նման ենք։ Նրանք չեն էլ փորձում ապացուցել, որ իրենք թալանչի, սրիկա, ստահակ չեն։ Ուրիշ խնդիր են դրել»։
