ԱԺ նախկին նախագահ, այժմ՝ ԱԳ նախարար Արարատ Միրզոյանի նկատմամբ բռնության գործով մեղադրյալ Արա Բադոյանը դատապարտվեց 3.5 տարի ազատազրկման. Radar Armenia-ն տեղեկացավ գլխավոր դատախազությունից։
«Նա դատապարտվել է 3.5 տարվա ազատազրկման։ Հաշվի առնելով անձի՝ անազատության մեջ գտնվելու հանգամանքը, անազատության մեջ գտնվելու օրերը հաշվակցվել են նշանակված պատժին, և մեղադրյալը փաստացի կազատազրկվի 1 տարի 11 ամիս 23 օրով»,- նշեցին դատախազությունից։
Դատական ակտը ստանալուց հետո դատախազությունը վերաքննիչ դատարան բողոք կներկայացնի։
Հիշեցնենք՝ Արարատ Միրզոյանի նկատմամբ բռնություն գործադրվել էր 2020թ. նոյեմբերի 9-ի լույս 10-ի գիշերը՝ Հայաստանի, Ադրբեջանի և ՌԴ-ի ղեկավարների եռակողմ հայտարարության ստորագրումից հետո։
