ԱԺ ՀՅԴ խմբակցության քարտուղար Արծվիկ Մինասյանը հայտարարել է, որ չի պաշտպանում պատգամավոր Հովիկ Աղազարյանին, քանի որ վերջինս կիսում է գործող իշխանության արարքների պատասխանատվությունը։ Սակայն նրա նկատմամբ քրեական հետապնդում հարուցելու միջնորդությունն, ըստ Մինասյանի, «դասական քաղաքական հետապնդում է»:
«Այս հետապնդումը գործադրվում է բոլոր այն անձանց նկատմամբ, որոնք կառարկեն ձեր գլխավոր «ասողի» խոսքին: Դա այսօր հատկապես կիրառվում է ընդդիմության նկատմամբ: Ընդդիմադիր որևէ պատգամավոր չկա, որի նկատմամբ չի արվել նման փորձ իրավապահ մարմինների կողմից, ու շարունակվում է: Սա ոչ թե իրավական, ժողովրդավարական պետության, սա դասական բռնապետության, դասական իրավունքի հերն անիծող վարքագծի օրինակ է»,- ասել է նա։
