Քաղաքական
«Համաձայնագրի տեքստում միակողմանի որևէ կարգավորում չկա». նախարար (ՏԵՍԱՆՅՈՒԹ)
«Համաձայնեցված տեքստում չկա որևէ դրույթ այն մասին, որ մինչև Խորհրդային Միության փլուզումը երկու երկրներում բնակված և հետո այդ տարածքները լքած մարդիկ պետք է վերադառնան իրենց տներ կամ այն տարածքներ, որտեղ իրենց նախնիներն են ապրել»,- հայտարարել է ՀՀ ԱԳ նախարար Արարատ Միրզոյանը:
Նա անդրադարձել է նաև Ադրբեջանի՝ ՀՀ Սահմանադրության վերաբերյալ մեկնաբանությանը՝ շեշտելով, որ համաձայնագրի տեքստում այդ մասին ոչինչ չկա. «Ընդհանրապես, համաձայնագրի տեքստում միակողմանի որևէ կարգավորում չկա: Չկա նաև սահմանադրությունների մասին կարգավորում: Հայտնի է, որ մենք էլ ունենք մեր մտահոգությունները Ադրբեջանի սահմանադրության վերաբերյալ, հայտնի է, որ մենք էլ տեսնում ենք ՀՀ տարածքային ամբողջականության դեմ ուղղված որոշակի նկրտումներ: Բայց նաև հայտնի է, որ մենք կարծում ենք, թե համաձայնագրի տեքստում կան որոշակի դրույթներ, որոնք փարատում են այդ մտահոգությունները»:
