Քաղաքական
«Տվե՛ք ավարտածների վիճակագրությունը, եթե այն դեֆորմացված լինի, արտոնությունը հանում ենք». Նիկոլ Փաշինյան
Վարչապետ Նիկոլ Փաշինյանը հայտարարել է, թե իրեն վաղուց տանջում է հարցը, որ պետության աջակցությամբ միջազգային բուհերում կրթություն ստացածները, կրթություն ստանալուց հետո Հայաստան չեն վերադառնում։
«Լավ ինչքան կարող ենք մենք մեզ կեղծել։ Հիմա ինչ ենք ասում։ Կոնկրետ ընկերությունը, եթե իրեն մասնագետ է պետք, այդ մասնագետին ինքը ֆինանսավորում է, իսկ մենք վճարվող ուսման վարձին որոշակի՝ առավելագույնը 10 մլն դրամի չափով գումար է հատկացվում։ Քանի որ պարոն Պապիկյանը ցանկանում է հարց տալ՝ ես հարցնեմ։ Այս ուղղությամբ տարկետում տալո՞ւ ենք զինծառայողներին, թե ոչ»։
ԿԳՄՍ նախարարը պատասխանեց, որ 2018-ից գործում է տարկետման համակարգ, որով Շանհայի վարկանիշային համակարգի առաջին 50 բուհում սովորող ուսանողներին տրամադրվում է այն։
«Այս ընթացքում՝ 2018-ի վեր, 380 հոգի օգտվել է տարկետման համակարգից։ Նրանցից ավելի քան 330-ը դեռ սովորում է»,- ասաց Ժաննա Անդրեասյանը տեղեկացնելով, որ 45-ը ավարտել են։
Փաշինյանը հետաքրքրվեց՝ քանիսն են վերադարձել Հայաստան։ «Եթե 45-ն էլ չեն վերադարձել՝ մենք այդ արտոնությունը հանում ենք։ Առանց քննարկման։ Ընդ որում տղաներ են, թե աղջիկներ էական չէ։ Սա միան ծառայության մասին չէ։ Տվե՛ք ավարտածների վիճակագրությունը։ Եթե վերադարձածների վիճակագրությունը դեֆորմացված լինի, այդ արտոնությունը հանում ենք»։
ԿԳՄՍ նախարարն ասաց, որ այս պահին հստակ տվյալներ ունեն 19-ի վերաբերյալ, որոնք չեն վերադարձել։
