Քաղաքական
«Կարելի է օրինագիծ բերել, որ երկնքից էլ մանանա թափվի մեր գլխին». Խամոյան
ԱԺ ընդդիմադիր «Հայաստան» խմբակցության պատգամավոր Ագնեսա Խամոյանը Եվրոպական Միությանը Հայաստանի Հանրապետության անդամակցության գործընթացի մեկնարկի մասին օրինագիծը ներկայացնող Արտակ Զեյնալյանին հարցրեց՝ ով է մեզ սպասում Եվրոպական միությունում, կամ արդյոք մեզ սպասում են։
Ըստ Խամոյանի՝ կարելի է ցանկացած բան էլ ցանկանալ. «Կարելի է օրենքի նախագիծ բերել, որ երկնքից էլ մանանա թափվի մեր գլխին։ Ամեն ինչ կարելի է անել։ Յուրաքանչյուր ցանկություն կարելի է օրենքի նախագծով բերել և այստեղ ներկայացնել։ Բայց նորից եմ ասում՝ ով է մեզ սպասում ԵՄ-ում»։
Զեյնալյանը պատասխանեց, թե ԵՄ բարձրաստիճան պաշտոնյաները բազմաթիվ հայտարարություններ են արել և ընդունել են իրավական ակտեր։ «Սպասելու վերաբերյալ բազմաթիվ հրապարակումներ են եղել։ Մամուլում դրա պատասխանները բազմիցս հնչեցրել ենք, թե ովքեր են մեզ սպասում ԵՄ-ում և ինչ ակտերով է դա արտահայտվել»։
