Շիրակի մարզպետ Մուշեղ Մուրադյանը աշխատանքից ազատման դիմում է գրել. այս մասին այսօր կառավարության նիստում հայտարարեց վարչապետ Նիկոլ Փաշինյանը։
Վարչապետը շնորհակալություն հայտնեց Մուրադյանին կատարած աշխատանքի համար և հաջողություն մաղթեց՝ հետագա համագործակցության հույսով և հեռանկարով։
Անդրադառնալով Գյումրիում փրայմերիզի արդյունքներին՝ Նիկոլ Փաշինյանն այն հաջողված համարեց և նշեց, որ մյուս համայնքներում ևս, անհրաժեշտության դեպքում, կկիրառեն այս մեթոդը։
«Վաղը նախնական քվեարկության արդյունքներով Գյումրիի քաղաքապետի ժ/պ կնշանակեմ»,- ասաց Փաշինյանը:
