Գյումրու քաղաքապետի ժամանակավոր պաշտոնակատար Սարիկ Մինասյանը երբեք «Լուսավոր Հայաստան» կուսակցության անդամ չի եղել, այլ ԼՀԿ ռեյտինգային ցուցակով ընտրվել է պատգամավոր. այս մասին Radar Armenia-ի հետ զրույցում ասաց ԼՀԿ նախագահ Էդմոն Մարուքյանը՝ հերքելով տեղեկությունները, թե Մինասյանը ԼՀԿ-ից է եղել։
Մարուքյանը նշեց, որ Սարիկ Մինասյանի հետ որևէ համագործակցություն չկա։
Հարցին՝ ինչ պլաններ կան Գյումրիի քաղաքապետի նոր ընտրությունների առնչությամբ, Մարուքյանն ասաց, որ չեղած բանի մասին որոշում չունեն. «Ընտրություն կնշանակվի, կքննարկենք»,- ասաց նա։
Հիշեցնենք՝ Գյումրիում դեկտեմբերի 8-ին, 9-ին և 10-ին անցկացվեցին նախնական ընտրություններ՝ փրայմըրիզ։ Քվեաթերթիկների ամփոփման արդյունքում Սարիկ Մինասյանը դարձավ Գյումրու քաղաքապետի ժամանակավոր պաշտոնակատար:
Հայկ Մագոյան
