«Գյումրիում բախվել ենք կառավարման ու իրավական որոշակի կազուսի հետ». այս մասին այսօր լրագրողների հետ ճեպազրույցում հայտարարել է ԱԺ ՔՊ խմբակցության պատգամավոր Վահագն Ալեքսանյանը՝ նշելով, որ իրավական խնդիրների քննարկման փուլում են, որպեսզի հասկանան՝ այդ կազուսը շրջանցելու ինչ տարբերակներ կան։
Պատգամավորի խոսքով՝ քաղաքի վիճակը շատ է անհանգստացնում։ Նա ևս մեկ անգամ ընդգծել է, որ խստորեն դատապարտելի է «Բալասանյան» դաշինքի վարքագիծը, որի պատճառով Գյումրին մատնվել է անտերության, քաղաքային աշխատողները աշխատավարձ չեն ստանում և այլն։
«ՔՊ-ն հրաժարվել է կոալիցայի իր մասից, բայց ՔՊ-ն մանդատները չի դրել ու կառավարման ճգնաժամ չի առաջացրել»,- ասաց Ալեքսանյանը։
