ՀՀ վարչապետ Նիկոլ Փաշինյանը ԱԺ-Կառավարություն հարցուպատասխանի ժամանակ հայտարարել է, որ սահմանազատման գործընթացը ռիսկերով հանդերձ համարում դրական, որովհետև այդ գործընթացի բացակայության ռիսկերը հարյուրապատիկ և հազարապատիկ ավելի են:
«Առավոտը տնից դուրս գալու մեջ էլ ռիսկ կա, եղանակի մեջ էլ ռիսկ կա, անձրևի մեջ էլ ռիսկ կա: Հարցը հետևյալն է՝ այդ կանոնակարգի ներսի մեխանիզմները հնարավորություն տալի՞ս են ռիսկերը կառավարել: Մեր գնահատականն այն է, որ հնարավորություն տալիս են»,- նշել է Փաշինյանը:
Վարչապետի խոսքով՝ վավերացված կանոնակարգը և սահմանազատման գործընթացը տալու են բոլոր հնարավորությունները՝ խաղաղ բանակցային ճանապարհով ՀՀ ինքնիշխան տարածքի ամբողջականությունը և անվտանգությունը ապահովելու։
