Մեկնարկել է Հայաստանի վարչապետ Նիկոլ Փաշինյանի այցը Շիրակի մարզ։
Վարչապետն առաջինը այցել է Երերույքի տաճար։
Նա հայտնել է, որ տաճար տանող ճանապարհը նախորդ տարի հիմնանորոգվել է. «Շատ տպավորիչ տեղ է, ես էլ եմ առաջին անգամ այստեղ»,- ասել է նա։
Իր այցի մասին վարչապետը գրել է. «Երերույքի 4-5-րդ դարերի տաճարում իրականացվում են ամրակայման աշխատանքներ: Ծրագրի ընդհանուր արժեքը 495 մլն դրամ է, այն իրականացվում է ԿԳՄՍ նախարարության և Հայաստանում ԱՄՆ դեսպանության համագործակցությամբ:
Ծրագիրն իրականացվելու է 5 փուլով, ներկայում ընթացքի մեջ է առաջին փուլը:
Նախագծի հեղինակը Հայաստանի Ճարտարապետության և շինարարության ազգային համալսարանն է»:
