Քաղաքական
«Կային բաներ, որ ինձ համար անհասկանալի էր». ԱԺ նախագահը՝ նախարարի հրաժարականի մասին (ՏԵՍԱՆՅՈՒԹ)
ԱԺ նախագահ Ալեն Սիմոնյանն անդրադարձել է արդարադատության նախարար Գրիգոր Մինասյանի հրաժարականին՝ շեշտելով, որ լավ հարաբերություններ ունի նրա հետ. «Այն աշխատանքը, որն արվել է, կարծում եմ՝ դրական է եղել, բայց կային բաներ, որ ինձ համար էլ էին անհասկանալի»։
Որպես օրինակ նա մատնանշել է փոխնախարարի պաշտոնում Սիրվարդ Գևորգյանի վերջին նշանակումը. «Օրինակ, վերջին նշանակումը․ որպես մարդու, որը նաև քաղաքական գործունեությամբ է զբաղվում, քաղաքացիների հետ է շփվում, չեմ կարողանալու նմանատիպ քայլերը մեր ընտրողներին բացատրել»։
Ըստ Սիմոնյանի՝ հրաժարականի որոշումը Գրիգոր Մինասյանինն է. «Պառլամենտարիզմը կարևոր ինստիտուտ է, և դրա հետ բոլորը պետք է հաշվի նստեն։ Ուրախ եմ, որ նա գրառման մեջ նշել էր դա»։
Սիմոնյանը նշել է նաև, որ գոհ է իրենց թիմից. «Համարում եմ որ մեր կառավարությունը և պաշտոնյաները, հանրապետությունում առկա մարդկային ռեսուրսների և աշխատանքի առումով, հնարավորինս լավագույն տարբերակ են, և հնարավոր ամեն բան անում են։ Բոլոր նախարարների աշխատանքը բարձր եմ գնահատում»,- նշել է նա։
