Քաղաքական
«Սերժ Սարգսյանը սկուտեղի վրա այդ իշխանությունը մեզ տվեց». Ալեն Սիմոնյան (ՏԵՍԱՆՅՈՒԹ)
ԱԺ նախագահ Ալեն Սիմոնյանը հայտարարությունների ժամին անդրադարձել է հայ-ադրբեջանական հարաբերություններին, սահմանազատման գործընթացին․ «Հայաստանի և Ադրբեջանի քարտեզը մետր առ մետր, իրավական փաստաթղթերով հիմնավորված, գոյություն ունի։ Դա որևէ մեկի կողմից բզկտելու կամ հնարելու հետևանք չէ»,- ասել է նա։
Սիմոնյանն անդրադարձել է «Պատիվ ունեմ» խմբակցության պատգամավոր Աննա Մկրտչյանի ելույթին, որտեղ պատգամավորն իշխանազավթ էր անվանել գործող իշխանությանը. «Չի ասում, որ Սերժ Սարգսյանը սկուտեղի վրա է այդ իշխանությունը մեզ տվել։ Թե խի չի ասում, չգիտեմ․ երևի ամաչում է»։
Նա ընդդիմությանը կոչ է արել փոխել մարտավարությունը. «Վազգեն Մանուկյանին Վազգեն Գալստանյանով փոխելուց հետո չգիտեմ՝ ինչ փուլ է գալու։ Չգիտեմ՝ առաջին հայ տիեզերագնացին գտեք, բերեք, կարող է դա ավելի պոպուլյար լինի։ Բայց խորհուրդ եմ տալիս՝ մարտավարությունը փոխեք»։
