Ղազախստանի նախագահ Կասիմ-Ժոմարտ Տոկաևը շնորհավորել է ՀՀ վարչապետ Նիկոլ Փաշինյանին Հայաստանի Հանրապետության Անկախության օրվա առթիվ, հաղորդում է Tengrinews.kz-ն։
«Երկրի ղեկավարն իր շնորհավորական հեռագրում նշել է, որ վարչապետ Նիկոլ Փաշինյանի գլխավորությամբ Հայաստանը մեծ հաջողությունների է հասել պետականաշինության, քաղաքացիների բարեկեցության ապահովման և միջազգային հեղինակության ամրապնդման գործում»,- ասվում է հաղորդագրությունում։
Կասիմ-Ժոմարտ Տոկաևը, հետևելով բարեկամության և փոխշահավետ համագործակցության ոգուն, հաստատել է իր հավատարմությունը ղազախ-հայկական հարաբերությունների համակողմանի ամրապնդմանը։ Նախագահը հաջողություն է մաղթել Հայաստանի ղեկավարին պետական պատասխանատու գործունեության մեջ, իսկ Հայաստանի ժողովրդին՝ բարգավաճում և առաջընթաց։
