Քաղաքական
«Այն մասնագիտությունները, որոնք PR-ի չեն ենթարկվում, դրանց մասին մենք չգիտենք». վարչապետ (ՏԵՍԱՆՅՈՒԹ)
Կառավարության նիստում ԿԳՄՍ նախարար Ժաննա Անդրեասյանը ներկայացրեց գյուղատնտեսության ոլորտում կրթության խթանման մասին հերթական նախագիծը, որով կրթաթոշակներ կստանան գյուղատնտեսության ոլորտի մասնագիտացմամբ սովորող ուսանողները։
Նախագծի նպատակն է՝ պետության համար կարևոր և առաջնահերթ մասնագիտություններով ընդունելության համար գրավիչ պայմաններ ստեղծելը՝ հաշվի առնելով այդ մասնագիտություններով ընդունելության ցուցանիշները:
Վարչապետ Նիկոլ Փաշինյանն ասաց, որ տարածքային համաչափ զարգացման տրամաբանությամբ է շատ կարևոր համարում այս հարցը, որովհետև մարզերում և գյուղերում հիմնականում 2 մասի են բաժանվում աշակերտները և երիտասարդները․
«Մի մասը, որն ունի կրթություն ստանալու և մասնագիտություն ունենալու վճռականություն, և այս փաստի բերումով արդեն 90%-ը գիտեն, որ այդ գյուղում չեն ապրելու։ Այն մասնագիտությունները, որոնք, այսպես ասած, PR-ի չեն ենթարկվում, դրանց մասին մենք չգիտենք։ Մենք էլ այս պատմություններն իմացել ենք մեր անձնական շփումների ընթացքում։ Կա մասնագիտական մոդա հասկացողությունը»,- նկատում է վարչապետը, ապա՝ հավելում. «Ուր գնում ենք, IT ոլորտ, IT ոլորտ․․․ բայց չենք էլ նկատում, որ այդ ոլորտն էլ է փոխվում։ Եվ արհեստական բանականությունը մի շարք մասնագիտություններ է դուրս հանում։ Հետևաբար, գյուղատնտեսության ոլորտում կրթության խթանումը մեզ կօգնի, որպեսզի այն երիտասարդը, որն ընտրության առաջ է կանգնած, որ ինքը կամ պետք է մասնագետ դառնա, կամ մնա գյուղում, այս կոնֆլիկտը չլինի»։
Մանրամասները՝ տեսանյութում
