Քաղաքական
«Տարածաշրջանային կոմունիկացիաները չեն բացվել նաև ՌԴ մեկնաբանությունների պատճառով». վարչապետ (ՏԵՍԱՆՅՈՒԹ)
«Տարածաշրջանային կոմունիկացիաները չեն բացվել այդ թվում ՌԴ մի շարք գործընկերների՝ փաստաթղթի տրամաբանության հետ կապ չունեցող և դրան հակասող մեկնաբանությունների պատճառով։ Ընդ որում, այդ մեկնաբանությունները հիմնականում հակասել են ՌԴ նախագահի՝ 2020թ. նոյեմբերի 10-ի հրամանագրի ձևակերպումներին»,- ասել է ՀՀ վարչապետ Նիկոլ Փաշինյանը՝ անդրադառնալով ՌԴ ԱԳ նախարար Սերգեյ Լավրովի հայտարարություններին, թե ՀՀ-ն է սաբոտաժի ենթարկում եռակողմ հայտարարության 9-րդ կետը։
Նա նաև ասել է. «Ավտոմոբիլային ճանապարհները պատրաստ ենք բացել հենց վաղը»։ Նա վստահեցրել է, որ ՀՀ-ն պատրաստ է հաղորդակցություն տրամադրել Նախիջևանի և բուն Ադրբեջանի միջև. «Այո, պատրաստ ենք, և մենք այդ մասին ասել ենք»։ Նա հավելել է, թե այս համատեքստում ՀՀ ինքնիշխանության և իրավազորության, տարածքային ամբողջականության հետ կապված որևէ հանգամանք չի կարող լինել կասկածի տակ։
