Հանրապետության նախագահ Վահագն Խաչատուրյանը շնորհավորական ուղերձ է հղել Մոլդովայի Հանրապետության նախագահ Մայա Սանդուին ազգային տոնի՝ Անկախության օրվա կապակցությամբ:
«Հայաստանի և Մոլդովայի միջպետական հարաբերությունների հիմքում ընկած են մեր ժողովուրդների դարավոր բարեկամությունը, ընդհանուր արժեքները և փոխադարձ վստահությունը:
Վերահաստատում եմ Հայաստանի պատրաստակամությունը զարգացնելու համագործակցությունը քաղաքական, տնտեսական և մշակութային ոլորտներում՝ ի շահ մեր ժողովուրդների»,- մասնավորապես ասվում է նախագահ Խաչատուրյանի ուղերձում:
