Քաղաքական
«Հուսով եմ՝ վերջ կդնենք այն տասնամյակների վեճին, որ բերեց երկու մեծ արհավիրք, պատերազմ»». Սիմոնյան (ՏԵՍԱՆՅՈՒԹ)
ԱԺ նախագահ Ալեն Սիմոնյանն ԱԺ արտահերթ նիստում արձագանքել է Արթուր Խաչատրյանի ելույթին՝ ասելով, թե նրա բարձրացրած հարցերը քաղաքական են, ոչ թե կադաստրի կոմիտեին ուղղվող․ «Հայաստանից ոչ մի միլիմետր հարևան երկրին չի տրվել, չի նախատեսվել, չի քննարկվել, չի քննարկվում և չի էլ քննարկվելու»,- ասել է նա։
Ըստ Սիմոնյանի՝ Կիրանցում մեկ տուն, մեկ կրպակ ու մեկ խորդանոց է եղել, որի դիմաց բնակիչներին փոխհատուցում է տրվել՝ համաձայնությամբ․ «Ինչ վերաբերում է՝ «լավ, հերն անիծեմ, հակառակ տարբերակն էլ չի եղել», ասեմ՝ իսկ ո՞վ ասաց, թե չի եղել, ո՞վ ասաց, որ այսկողմ, այնկողմ չի գնացել»։
ԱԺ նախագահը հույս է հայտնել, որ հարևան պետության հետ սահմանազատման ու սահմանագծման պրոցեսը կվերջնականացնեն ու կավարտեն. «Հույս ունենամ, որ կստացվի, և վերջ կդնենք այն տասնամյակների վեճին, որ բերեց երկու մեծ արհավիրք, պատերազմ»։
