Բագրատ արքեպիսկոպոս Գալստանյանը հայտարարել է, թե իրենց առաջին պահանջը վարչապետին անվստահություն հայտնելու գործընթացն է․ «Սակայն չեն բացառվում մնացած բոլոր հնարավոր և անհնար քաղաքական լուծումները։ Մեզ համար կարևորն արդյունքին հասնելն է, և իրավական ճանապարհով արդյունքին հասնելը»,- ասել է նա ասուլիսի ժամանակ։ Իսկ թե իրենց նպատակին ինչ մարտավարություն են որդեգրելու, նա ասել է, որ կազմակերպչական-գաղափարական թիմը կորոշի։ Ըստ Գալստանյանի՝ թե՛ մեծ, թե՛ փոքր կուսակցությունների, «ներառյալ կուսակցություններ չներկայացնող քաղաքական գործիչների հետ խորհրդակցությունները մտշապես շարունակվում են»։
Բագրատ արքեպիսկոպոսն անդրադարձել է նաև շարժման ներկայացուցիչ Սուրեն Պետրոսյանին՝ ասելով, որ երբ նա վերադառնա արտերկրից, «շատ հարցեր կան նրան»․ «Թե ինչ է իրականում տեղի ունեցել ամբողջության մեջ, և որոշելու՝ այս ճանապարհը միասի՞ն ենք անցնում, թե՞ ոչ։ Մենք, այո, շատ հարցեր ունենք»։
