Քաղաքական
«Մաղթում եմ՝ իրենց երկրում այդ ժողովրդավարությունը լինի». Բագրատ արքեպիսկոպոս
Բագրատ արքեպիսկոպոս Գալստանյանը հայտարարել է, թե Հայաստանի իշխանություններին արտաքին ուժերի աջակցությունը հարցադրումներ է առաջացնում․
«Հատկապես արևմտյան ուժերին եմ ասում՝ իրենք կո՞ղմ են շարժմանը, դե՞մ են, գաղափարների՞ն են դեմ, կողմ․ կարևոր չէ։ Տեղի ունեցած դեպքին արձանագրում պետք է կատարեն, խուսափում չունեն դրանից։ Հատկապես ամերիկյան դեսպանատունը կամ ամերիկյան կողմը, որովհետև իրենց կողմից են տեղի ունենում ոստիկանական բարեփոխումները։ Մի՞թե այսպիսի բարեփոխումներ էին ակնկալում․ վստահ եմ, որ ոչ։ Ստիպված են արձագանքել»,-ասել է նա։
Գալստանյանը նաև նշել է. «Եթե իրենք կարծում են, որ այսպիսի տեսք ունի ժողովրդավարությունը, մաղթում եմ՝ իրենց երկրում այդ ժողովրդավարությունը լինի»։
Նրա խոսքով՝ թեպետ ամեն ջանք թափում են իրենց նույնականացնելու ռուսական և այլ ուժերի հետ, սակայն դա չի ստացվել։
Գալստանյանը նաև ասել է. «Այս շարժումը քաղաքական հենարան չունի, բոլոր փորձերը՝ կապելու նախկինների հետ, սին են ու դատարկ»։
