Քաղաքական
«Բագրատ Գալստանյանն ու իր աջակցիները փողոցում կմնան այնքան, մինչև մաշվեն»․ Ալեն Սիմոնյան
Բագրատ Գալստանյանը շատ երկար պիտի մնա փողոցում, պիտի մաշվի, այս մասին ճեպազրույցի ժամանակ հայտարարել է ՀՀ ԱԺ նախագահ Ալեն Սիմոնյանը։
«Ինքը, այն մարդիկ, այն ուժերը, ովքեր իրեն սատարում են, նույնպես մնալու են փողոցում։ Մասնավորապես՝ կաթողիկոս Գարեգին Բ-ն, քոչարյանական, դաշնակցական ուժերը, մնալու են փողոցում և հին կոշիկի պես մաշվելու են»,- ասել է նա։
Սիմոնյանը հայտարարել է նաև, որ ընդդիմությունը ժողովրդի սատարումը չունի և հավելել, որ եթե վաղն էլ ընտրություններ լինեն, իրենց, իր գնահատմամբ, կարող են 54 տոկոսից ավել ձայն հավաքել։
Անդրադառնալով 4 կուսակցության՝ ԵՄ-ին անդամակցելու համար հանրաքվե անցկացնելու նախաձեռնությանը՝ ԱԺ նախագահը նշել է, որ որ առաջարկը ներկայացնեն, ՔՊ-ն կհայտնի իր դրրքորոշումը։ «Այդ հարցը չենք քննարկել, սակայն հետաքրքիր և պահանջված առաջարկ է»,- ասել է Սիմոնյանը։
