Քաղաքական
«Հոգևորականը կոնկրետ անելիք ուներ, ու բախումներ հրահրվեցին նրա կողմից». Անդրանիկ Քոչարյան
14 Հունիսի 2024, 12:57
ԱԺ ՔՊ խմբակցության պատգամավոր Անդրանիկ Քոչարյանը հայտարարել է, թե հունիսի 12-ին ԱԺ-ի մոտ հատուկ միջոցների «փոքրիկ մաս» է կիրառվել։
«Ոստիկանությունը միշտ ձեռնպահ է մնում նման բաներից, ուղղակի ԱԺ աշխատանքների խոչընդոտները վերացնելու խնդիր կար։ Բայց տեսաք՝ դեպքերը ոնց զարգացան․ հոգևորականը կոնկրետ անելիք ուներ, ու բախումներ հրահրվեցին նրա կողմից»,- խորհրդարանական ճեպազրույցներին հայտնել է նա։
Ըստ Քոչարյանի՝ անտեղի են 2008թ․ մարտի 1-ի դեպքերի հետ համեմատությունները․ «Հունիսի 12-ին ոստիկանական ուժերի կոնկրետ ճեղքում են փորձել․ եթե դա ստացվեր, կարելի է պատկերացնել՝ ինչ կկատարվեր»։
Քոչարյանը հերքել է լուրերը, իբր, բացի լուսաձայնայինը, բեկորային նռնակներ էլ են կիրառվել։
