Քաղաքական
«Այլևս երբեք Բելառուս չեմ այցելի, քանի դեռ նախագահը Լուկաշենկոն է». Նիկոլ Փաշինյան
ՀՀ վարչապետ Նիկոլ Փաշինյանը հայտարարել է, թե քանի դեռ Ալեքսանդր Լուկաշենկոն նախագահ է, ինքը չի այցելի Բելառուս։
«Բա ՀԱՊԿ ղեկավարներից մեկը հայտարարում է, թե 44-օրյա պատերազմը նախապատրաստելուն մասնակցել է, քաջալերել, հավատացել է, ցանկացել է Ադրբեջանի հաղթանակը։ Բա դրանից հետո ես պիտի գնամ, Բելառուսի նախագահի հետ ՀԱՊԿ ֆորմատում նստեմ, հարց քննարկե՞մ։ Բա դուք չե՞ք, որ խոսում եք արժանապատվությունից, սկզբունքայնությունից։ Իրավիճակ կա, որ ԵԱՏՄ-ում, ՀԱՊԿ-ում ինչ-որ առումով ստիպված եմ լինելու»,- ասել է նա։
Նա նաև ասել է. «Արձանագրում եմ՝ Բելառուս երբեք չեմ այցելի, քանի նախագահ է Ալեքսանդր Լուկաշենկոն։ Եվ, ընդհանրապես, հայտարարում եմ՝ այս պահից ՀՀ ոչ մի պաշտոնական ներկայացուցիչ Բելառուս չի այցելի․ ընդհանրապես»։
Վարչապետը հարց է հնչեցրել՝ ՀԱՊԿ-ի հետ կապված կարո՞ղ է ինչ-որ բան փոխվել. «Տեսականորեն, այո, եթե Բելառուսը որոշի ՀԱՊԿ-ից դուրս գալ, կամ Բելառուսի նախագահը Հայաստանի ժողովրդին ներողության և բացատրության այնպիսի խոսքեր ասի, որ ժողովրդի համար հասկանալի և ընդունելի լինեն»։
